Friday, October 10, 2014

ಹೊಳೆದದ್ದು ಹೊಳೆದಂತೆ-3

1
ಈ ಭೂಮಿ ತಿಂದು ಮುಗಿಯಲಾರದಷ್ಟು ಶ್ರೀಮಂತವಾಗಿದೆ.ಯಾಕೆಂದರೆ ಅದನ್ನು ದೇವರು ಸೃಷ್ಟಿಸಿದ.
ಆದರೂ ಸ್ವಾರ್ಥಿ ಮನುಷ್ಯ ಬಡತನವನ್ನು ಸೃಷ್ಟಿಸಿದ
2
ಕಾಡುಗಳಲ್ಲಿ ಗೆಡ್ಡೆ ಗೆಣಸುಗಳನ್ನು
ಅಗೆಯುತ್ತಾ ಬದುಕುತ್ತಿದ್ದಾಗ
ಮನುಷ್ಯರ ನಡುವೆ ಬಡವರಿರಲಿಲ್ಲ

ಚಿನ್ನ, ವಜ್ರ, ವೈಡೂರ್ಯಗಳನ್ನು
ಅಗೆಯಲು ಶುರು ಮಾಡಿದ ಬಳಿಕ
ಮನುಷ್ಯರೊಳಗೆ ಬಡವ ಹುಟ್ಟಿಕೊಂಡ
3
ವಿಜ್ಞಾನ-ಅಧ್ಯಾತ್ಮ ಎರಡರದೂ ಹುಡುಕುವ ಆಟ
ಒಂದು, ಬಚ್ಚಿಟ್ಟದ್ದನ್ನು ಹುಡುಕುತ್ತದೆ
ಇನ್ನೊಂದು, ಬಚ್ಚಿಟ್ಟವನನ್ನು
4
ಮಾನವ ನಿರ್ಮಿಸಿದ ಯಂತ್ರಗಳು ಪರಸ್ಪರ ಪ್ರೇಮಿಸಿ ಸಂಭೋಗಕ್ಕಿಳಿದಾಗ
ದೇವರು ತನ್ನ ಅಸ್ತಿತ್ವವನ್ನು ಕಳೆದುಕೊಳ್ಳುತ್ತಾನೆ

1 comment: