ಚೆಲ್ಲಿ ಹೋದ ಮೃಷ್ಟಾನ್ನದ ಅಗುಳುಗಳು
ಇನ್ನೂ ಮೋರಿಯಲ್ಲಿ ತೇಲುತ್ತಿವೆ
ಹಬ್ಬಕ್ಕೆಂದು ಕೊಂಡ
ಗರಿಗರಿಯಾದ ಹೊಸ ಕರವಸ್ತ್ರದಲ್ಲಿ
ಅಷ್ಟೂ ಕಣ್ಣುಗಳ ಕಣ್ಣೀರು ಹೇಗೆ ಒರೆಸಲಿ?
ನನ್ನ ಚೀಲದೊಳಗಿರುವ ಅಕ್ಕಿ
ನೆರೆಯವನ ಹಸಿವಿನ ಚೀಲ
ತುಂಬಲು ಸಾಲುತ್ತಿಲ್ಲ
ಸುಟ್ಟು ಹೋದ ಕಾವಲಿಯಂತಿರುವ
ಕತ್ತಲು ಕವಿದ ಆಕಾಶದಲ್ಲಿ
ಹಸಿದವನು ರೊಟ್ಟಿಯ ಚೂರಿಗೆ
ತಡಕಾಡುವಂತೆ
ಚಂದಿರನ ಚೂರಿಗಾಗಿ ತಡಕಾಡುತ್ತಿರುವೆ
ನನಗಿವತ್ತೂ ಚಂದ್ರದರ್ಶನವಾಗಿಲ್ಲ....!!
No comments:
Post a Comment